tg flag
TG
en flag
English
ru flag
Русский
TG
English
Русский

Category: Нашрияҳои матбуотӣ

Шоҳин Эйрлайнз аввалин солгарди таъсисёбии худро қайд кард

Posted on by admin

Санаи 25 июни соли 2026 ширкати ҳавопаймоии “Шоҳин Эйрлайнз” нахустин солгарди таъсисёбии худро қайд кард. Дар ин давра ширкат марҳилаи ташаккулёбиро бомуваффақият паси сар кард, гурӯҳи касбиро ташкил намуда барои рушди минбаъда ва татбиқи нақшаҳои стратегӣ заминаи мусоид фароҳам овард.

Ба муносибати яксолагии ширкат дар саридораи ширкати ҳавопаймоӣ чорабинии расмӣ гузаронида шуда, дар фазои тантанавӣ роҳбарияти ширкат бо натиҷагирӣ аз соли аввали фаъолият ба ҳайати кормандон барои меҳнати софдилона, касбияти баланд ва саҳмгузорӣ дар рушди ширкати ҳавопаймоӣ изҳори сипос намуданд. 

Зимнан кормандоне, ки дар ташаккул ва рушди ширкат саҳми назаррас гузоштаанд, барои фаъолияти самаранок ва масъулитшиносӣ бо ифтихорномаҳо қадрдонӣ шуданд. 

Дар муроҷиати худ ба коллективи корхона роҳбарияти ширкати ҳавопаймоии “Шоҳин Эйрлайнз” таъкид доштанд, ки дастовардҳои соли аввал ба шарофати кори дастаҷамъона, касбияти кормандон, кӯшиши ҷорӣ намудани стандартҳои баланди сифат, бехатарӣ ва самаранокӣ имконпазир шуданд. Ба қавли Директори генералии ширкати ҳавопаймоии “Шоҳин Эйрлайнз” Зафар Аҳмадзода: “Соли аввали фаъолият оғози роҳи бузург аст ва ширкатро рушду дастовардҳои нав дар пешанд”.

Shohin Airlines – ширкати ҳавопаймоии хусусӣ мебошад, ки дар Тоҷикистон ба қайд гирифта шудааст ва ба рушди авиатсияи граждании ватанӣ, тавсеаи интиқолоти ҳавоии минтақавию байналмилалӣ нигаронида шудааст. Дар айни замон ширкати ҳавопаймоӣ парвозҳои фармоиширо тариқи чархболҳо анҷом медиҳад. Ширкат ҳамчунин бо истеҳсолкунандагони пешбари ҳавопаймоҳо музокирот бурда, дурнамои рушди мусофиркашонии тиҷоративу боркашонӣ ва бизнес авиатсияро дар Ҷумҳурии Тоҷикистон баррасӣ менамояд.

Вазифа: Таҳлилгари молиявӣ

Posted on by admin

Ширкати ҳавопаймоии Shohin Airlines таҳлилгари молиявиро ба кор даъват менамояд.

Вазифаҳои асосӣ:

– Таҳия ва таҳлили ҳисоботи молиявӣ ва идоракунӣ.

– Иштирок дар равандҳои буҷетсозӣ, банақшагирии молиявӣ ва пешбинӣ.

– Таҳлили даромад, хароҷот ва даромаднокии парвозҳову хатсайрҳо.

– Таҳияи модел ва пешбиниҳои молиявӣ.

– Назорати иҷрои буҷет ва таҳлили фарқияти нишондиҳандаҳои воқеӣ аз нишондиҳандаҳои нақшавӣ.

– Омодасозии маводи таҳлилӣ ва муаррифиҳо барои роҳбарияти ширкат.

– Назорати муттасил ва таҳлили нишондиҳандаҳои асосии молиявӣ (KPI).

– Иштирок дар автоматикунонии равандҳои ҳисоботи молиявӣ ва таҳлил.

– Ҳамкорӣ бо муҳосибот ва департаментҳои тиҷоративу амалиётии ширкат.

Талабот:

– Маълумоти олӣ дар соҳаи молия, иқтисод, ҳисобдорӣ ва ё ихтисосҳои марбута.

– Таҷрибаи кории на камтар аз 3 сол ба ҳайси таҳлилгари молиявӣ, иқтисодчӣ ё банақшагирандаи молиявӣ.

– Донистани барномаи Microsoft Excel.

– Донистани усулҳои таҳлили молиявӣ, буҷет ва моделсозии молиявӣ.

– Доштани тафаккури таҳлилӣ, диққатдиҳӣ ба ҷузъиёт, масъулиятшиносӣ.

– Забондонӣ: тоҷикӣ, русӣ, англисӣ.

– Донистани барномаҳои Power BI, 1C ва дигар низомҳои таҳлилӣ афзалият дорад.

Мо пешниҳод мекунем:

– Фаъолият дар ширкати ҳавопаймоии рушдёбанда.

– Музди меҳнати рақобатпазир.

– Имкониятҳои рушди касбӣ.

– Шуғли расмӣ тибқи қонунгузории Ҷумҳурии Тоҷикистон.

Агар ба ширкати Shohin Airlines пайвастан хоҳед, маълумотномаи (резюме) худро ба почтаи электронии info@shohinair.tj бо дарҷи «Таҳлилгари молиявӣ» дар мавзӯи мактуб ирсол намоед.

Ширкати ҳавопаймоии “Шоҳин Эйрлайнз” барои ишғоли вазифаи муҳандис ва техники авиатсионии дараҷаи B1/B2 (СиД ва АиРЭО) оид ба хизматрасонии техникии ҳавопаймоҳои навъи A320, A321, A319, L410, ва чархболҳои Ми-8 озмун эълон менамояд

Posted on by admin

Мо ба дастаи департаменти техникӣ мутахассисони баландихтисосеро даъват менамоем, ки омодаанд сатҳи баланди бехатарии парвозҳо, эътимоднокии техникаи авиатсионӣ ва истифодаи самараноки ҳавопаймоҳоро таъмин намоянд.

Уҳдадориҳо: 

• Иҷрои хизматрасонии техникӣ ва таъмири ҳавопаймоҳо тибқи талаботи меъёрии амалкунанда 

• Гузаронидани чорабиниҳои нақшавии техникӣ ва ташхиси нуқсонҳо 

• Назорати ҳолати техникии техникаи авиатсионӣ 

• Пешбурди ҳуҷҷатгузории техникӣ 

• Ҳамкорӣ бо воҳидҳои ширкат барои таъмини истифодаи муттасили техникаи ҳавопаймоӣ

Талабот:

• Маълумоти касбии техникӣ (авиатсионӣ, муҳандисӣ)

• Таҷрибаи кор дар соҳаи хизматрасонии техникии техникаи авиатсионӣ; мавҷудияти иҷозатномаи амалкунанда афзалият дорад

• Донистани ҳуҷҷатҳои меъёрӣ ва стандартҳои авиатсияи гражданӣ

• Донистани забони англисӣ дар сатҳи зарурӣ барои кор бо ҳуҷҷатҳои техникӣ 

• Масъулиятнокӣ, дақиқкорӣ, қобилияти иҷрои корҳои гурӯҳӣ

• Омодагӣ ба кори баставӣ

Пешниҳоди мо:

• Кор дар ширкати ҳавопаймоии устувору рушдкунанда

• Музди меҳнати рақобатпазир 

• Имкониятҳои рушди касбӣ 

• Омӯзиш ва такмили ихтисос

Агар хоҳиши дар соҳаи авиатсия рушд кардан ва бо техникаи муосири авиатсионӣ кор карданро дошта бошед ва мехоҳед дар таъмини бехатарии парвозҳоро саҳмгузор бошед, мо интизори Шумоем.

Барои иштирок дар озмун маълумотномаи шахсӣ (резюме), нусхаҳои шиноснома, диплом, шаҳодатномаи муҳандис/авиатехник (агар мавҷуд бошад) ва сертификатҳоро ба почтаи электронии: td@shohinair.tj ирсол намоед.

ҶДММ “Ширкати ҳавопаймоии Шоҳин Эйрлайнз” барои ишғоли вазифаи ҳавонаварди дуюми ҳавопаймои L-410 озмун эълон менамояд.

Posted on by admin

Талабот нисбати довталабон:

• Доштани шаҳодатномаи амалкунандаи ҳавонавардӣ CPL/IR (A) ва ATPL (A).

• Доштани шаҳодатномаи тиббии амалкунанда Class 1

• Доштани шаҳодатномаҳои

– МСС (Multi-Crew Cooperation Course)

– UPRT (Upset Prevention and Recovery Training)

• Донистани забони англисии ICAO дар сатҳи на поён аз дараҷаи 4-ум

Мо пешниҳод менамоем:

• Музди меҳнати рақобатпазир

• Фаъолияти меҳнатии расмӣ мутобиқи Кодекси меҳнати ҶТ

• Парвозҳои доимӣ

• Имконоти рушди касбӣ

Агар хоҳиши узви дастаи мо шудану рушд карданро дошта бошед, маълумотномаи (резюме) худро ба почтаи электронии a.bobokhonov@shohinair.tj ирсол намоед.

Shohin Airlines ва Airbus ба марҳилаи ниҳоии гуфтушунид расиданд

Posted on by admin

10-уми апрели соли 2026 миёни Shohin Airlines ва Airbus вохӯрӣ баргузор гардид, ки дар ҷараёни он ҷонибҳо масоили харидории 4 адад ҳавопаймои силсилаи Airbus A320neo ва густариши минбаъдаи ҳамкориҳоро байни ширкати ҳавопаймоӣ ва яке аз истеҳсолкунандагони пешбари ҷаҳонии ҳавопаймоҳо баррасӣ карданд.

Вохӯрӣ идомаи муколамаи қаблан дар Тулуза дар аввали сол оғозшуда мебошад, ки дар натиҷаи мулоқоти марбут ба харидории 2 адад ҳавопаймои A320neo ва 2 адад ҳавопаймои A321neo Ёддошти тафоҳум ба имзо расонида шуд. Санади мазкур барои таҳкими шарикӣ ва муайян кардани самтҳои асосии ҳамкорӣ заминаи мусоид фароҳам меорад.

Shohin Airlines ва Airbus ҳамкориҳои мутақобилан судмандро таҳким мебахшанд ва дар айни замон ҳамкории тарафҳо тамоюли рушди устуворро касб менамояд. Раванди музокирот оид ба харидории ҳавопаймоҳо дар марҳилаи ниҳоӣ қарор дорад ва тавре интизор меравад татбиқи созишномаҳои бадастомада иқдоми муҳим дар самти тавсеаи парки ҳавопаймоии ширкати ҳавопаймоӣ ва мустаҳкам кардани мавқеи он дар бозори интиқолоти ҳавоӣ хоҳад буд.

Shohin Airlines – ширкати ҳавопаймоии хусусӣ мебошад, ки дар Тоҷикистон ба қайд гирифта шудааст ва ба рушди авиатсияи граждании ватанӣ, тавсеаи интиқолоти ҳавоии минтақавию байналмилалӣ нигаронида шудааст. Дар айни замон ширкати ҳавопаймоӣ парвозҳои фармоиширо тариқи чархболҳо анҷом медиҳад. Ширкат ҳамчунин бо истеҳсолкунандагони пешбари ҳавопаймоҳо музокирот бурда, дурнамои рушди мусофиркашонии тиҷоративу боркашонӣ ва бизнес авиатсияро дар Ҷумҳурии Тоҷикистон баррасӣ менамояд.

Ҳайати Shohin Airlines ба Истанбул сафари корӣ анҷом дод

Posted on by admin

Моҳи марти соли 2026 ҳайати ширкати ҳавопаймоии “Шоҳин Эйрлайнз” бо роҳбарии директори генералӣ Зафар Аҳмадзода ба Истанбул сафари корӣ анҷом дода, дар доираи он бо роҳбарият ва коршиносони корхонаҳои авиатсионии Туркия вохӯриҳо гузарониданд. Дар ҷараёни сафар бо ширкатҳои Turkish Airlines, Turkish Technic, Turkish Aviation Academy, TCI Aircraft Interiors, Turkish Technology, инчунин бо IGA Istanbul Airport ва Aeroglobe Aviation Services музокирот сурат гирифтанд. Ҷонибҳо дурнамои рушди ҳамкориҳоро дар бахшҳои хизматрасонии техникии ҳавопаймоҳо, омодасозӣ ва такмили ихтисоси мутахассисони авиатсионӣ, ҷорӣ намудани технологияҳои муосир ва ҳамзамон баланд бардоштани самаранокии амалиётӣ ва сифати хизматрасонӣ ба мусофиронро баррасӣ намуданд.

Сафари кории мазкур марҳилаи муҳим дар таҳкими ҳамкориҳои байналмилалии Shohin Airlines маҳсуб ёфта, барои табодули таҷрибаи амалӣ бо яке аз бозорҳои пешрави авиатсионии минтақа имконият фароҳам овард. Дар доираи барномаи сафар ҳайат аз Turkish Aviation Academy боздид ба амал оварда, бо инфрасохтори муосири таълимӣ, аз ҷумла маҷмааҳои тамринӣ ва барномаҳои омодасозии мутахассисони авиатсионӣ шинос гардиданд. Зимнан ба равишҳои омӯзиши ҳавонавардон, роҳбаладон ва мутахассисони техникӣ диққати хоса дода шуд.

Намояндагони ширкати ҳавопаймоии “Шоҳин Эйрлайнз” ҳамчунин иқтидорҳои истеҳсолии Turkish Technic-ро мушоҳида намуда, бо равандҳои хизматрасонии техникии ҳавопаймоҳо, инфрасохтори муҳандисиву таъмирӣ ошноӣ пайдо намуда, дурнамои ҳамкориҳо дар соҳаи дастгирии техникиро муҳокима карданд. Аснои боздид аз TCI Aircraft Interiors тадбирҳои амалӣ дар дар соҳаи лоиҳакашӣ ва муҷаҳҳазсозии дохили ҳавопаймоҳо, ки барои баланд бардоштани сатҳи хизматрасониҳо ва бароҳатии мусофирон равона шудаанд, баррасӣ гардиданд. Дар доираи мулоқот бо намояндагони IGA Istanbul Airport ҷонибҳо имкониятҳои рушди фаъолияти амалиётии Shohin Airlines-ро дар Истанбул баррасӣ намуда, манфиатдории тарафайнро дар рушди ҳамкориҳои тӯлонӣ тасдиқ карданд.
 
Таваҷҷуҳи хоса ҳамчунин ба ҳамкориҳо бо Aeroglobe Aviation Services дода шуд. Дар интиҳои музокирот ҷонибҳо Ёддошти тафоҳум ва шартномаи ҳамкориро ба тасвиб расониданд, ки барои шарикии минбаъда дар қисми мушоиати амалиётӣ ва роҳандозии хатсайрҳои ширкат заминагузор хоҳанд буд. Ширкати ҳавопаймоии “Шоҳин Эйрлайнз” муттасил стратегияи рушдро амалӣ менамояд, ки ба ҷорӣ намудани таҷрибаҳои пешрафтаи соҳавӣ ва ташаккули намунаи устувори амалиётии мутобиқ ба стандартҳои байналмилалӣ равона шудааст.
 
Шоҳин Эйрлайнз – ширкати ҳавопаймоии хусусӣ мебошад, ки дар Тоҷикистон ба қайд гирифта шудааст ва ба рушди авиатсияи граждании ватанӣ, тавсеаи интиқолоти ҳавоии минтақавию байналмилалӣ нигаронида шудааст. Дар айни замон ширкати ҳавопаймоӣ парвозҳои фармоиширо тариқи чархболро анҷом медиҳад. Ширкат ҳамчунин бо истеҳсолкунандагони пешбари техникаи авиатсионӣ музокирот бурда, дурнамои рушди мусофиркашонии тиҷоративу боркашонӣ ва бизнес авиатсияро дар Ҷумҳурии Тоҷикистон баррасӣ менамояд.
 
 
 

Роҳбарияти ширкати ҳавопаймоии “Шоҳин Эйрлайнз” оид ба харидории ҳавопаймои L410 NG дар Чехия созишнома ба имзо расонид

Posted on by admin

Роҳбарияти ширкати ҳавопаймоии “Шоҳин Эйрлайнз” дар Ҷумҳурии Чехия созишномаеро оид ба харидории ҳавопаймои нави минтақавии турбовинтӣ L410 NG ба тасвиб расонид. Имзои санади мазкур қадами муҳим дар раванди рушди ширкати ҳавопаймоӣ ва тавсеаи имкониятҳои он дар соҳаи интиқолоти ҳавоии минтақавӣ маҳсуб меёбад.
 
Ҳавопаймои L410 NG нав барои иҷрои парвозҳои дохилиҷумҳуриявӣ ва минтақавӣ ихтисос дода шуда, тарҳи наве аз оилаи ҳавопаймоҳоӣ L410 мебошад, ки дар истифода аллакай худро хуб нишон додаанд. L410 NG бо самаранокии баланди сӯзишворӣ, дурпарвозӣ ва хусусиятҳои беҳтаршудаи истифодабарӣ тафовут дошта, барои интиқолоти минтақавӣ муносиб мебошад.

Ба қавли директори генералии ширкати ҳавопаймоии “Шоҳин Эйрлайнз” Зафар Аҳмадзода харидории ҳавопаймои мазкур ба стратегияи рушди парки ҳавопаймоии “Шоҳин Эйрлайнз” мувофиқат мекунад, ки ба баланд бардоштани сифати хизматрасонӣ ба мусофирон, рушди алоқаи ҳавоии дохилӣ ва минтақавӣ равона шудааст.

Интизор меравад, бо истифодаи ҳавопаймои L410 NG ширкати ҳавопаймоӣ самаранокии интиқолоти ҳавоии дохилиҷумҳуриявӣ ва минтақавиро ба таври назаррас афзун менамояд.

Шоҳин Эйрлайнз – ширкати ҳавопаймоии хусусӣ мебошад, ки дар Тоҷикистон ба қайд гирифта шудааст ва ба рушди авиатсияи граждании ватанӣ, тавсеаи интиқолоти ҳавоии минтақавӣ ва байналмилалӣ нигаронида шудааст. Дар айни замон ширкати ҳавопаймоӣ хизматрасонии фармоиши чархболро пешниҳод менамояд ва ҳамзамон бо истеҳсолкунандагони пешбари техникаи авиатсионӣ музокирот бурда, дурнамои рушди мусофиркашонии тиҷоративу боркашонӣ ва бизнес авиатсияро дар Ҷумҳурии Тоҷикистон баррасӣ менамояд.

Подписаться (tg)
Дар бораи мо?