Имзои созишнома байни Shohin Airlines ва Airbus

21-уми июл дар Намоишгоҳи байналмилалии авиатсионӣ дар шаҳри Фарнборои Бритониёи Кабир Shohin Airlines ва Airbus оид ба харидории чор адад ҳавопаймои силсилаи A320neo созишнома ба имзо расониданд ва дар ин хусус мо қаблан интиллоъ дода будем.

Созишнома таъмини ду ҳавопаймои Airbus A320neo ва ду ҳавопаймои Airbus A321neo-ро пешбинӣ менамояд. Ҳавопаймоҳои нав асоси маҷмаи муосир гардида ба ширкати ҳавопаймоӣ имкони роҳандозии парвозҳои минтақавию байналмилалиро бо таъмини сатҳи баланди бехатарӣ, бароҳатӣ ва сифати хизматрасониҳо фароҳам меоранд.

Мо ба ҳайати Airbus ва кулли нафароне, ки дар иқдоми мазкур даст доштанд, изҳори сипос менамоем. Итминони комил дорем, ҳамкории мазкур барои рушди минбаъдаи Shohin Airlines ва таҳкими мавқеъи Тоҷикистон дар арсаи байналмилалии авиатсионӣ заминаи устувор мегузорад.

Дар акс: Директори генералии ширкати ҳавопаймоии “Шоҳин Эйрлайнз” Зафар Аҳмадзода ва Ноиби президенти иҷроия оид ба муомилоти тиҷоратии ширкати Airbus Пол Мейерс.